Bakıda iki piyada vuruldu, sürücülər qaçdı
Al-sat 1 Sentyabr 2015 12:47 460 dəfə oxunub
Bakıda iki piyada vuruldu, sürücülər qaçdı
Hər iki faktla bağlı Nizami Rayon Polis İdarəsində araşdırma aparılır

Ötən gecə Bakının Nizami rayonunda iki piyada vurulub. APA TV-nin məlumatına görə, yaralılardan birinin vəziyyəti xüsusilə ağırdır. İlk hadisə Çobanzadə küçəsində baş verib. 61 yaşlı Əli İsgəndər oğlu Mahmudov yolu keçmək istəyərkən naməlum avtomobillə vurulub. Hadisəni törədən sürücü yaşlı kişini yaralı vəziyyətdə qoyaraq, hadisə yerini tərk edib. Əli Mahmudov təcili tibbi yardım avtomobili ilə 3 saylı Şəhər Kliniki Xəstəxanasına çatdırılıb.

Dərhal əməliyyat olunan yaralının həyati təhlükəsi aradan qaldırılıb. O, artıq palataya köçürülüb, müalicəsi davam etdirilir.

Digər hadisə isə metronun "Neftçilər" stansiyasının yaxınlığında qeydə alınıb. Təcili tibbi yardım stansiyasına avtomobillə vurulmuş piyadanın vəziyyətinin ağır olması ilə bağlı çağırış daxil olub. Təcili tibbi yardım briqadası hələlik şəxsiyyətini dəqiqləşdirməyin mümkün olmadığı yaralını 3 saylı Şəhər Kliniki Xəstəxanasına çatdırıb. Əməliyyat olunan yaralının vəziyyəti ağırdır, həyati təhlükəsi qalır. Hər iki faktla bağlı Nizami Rayon Polis İdarəsində araşdırma aparılır.

VIDEO
ŞƏRH YAZ
Ad
E-mail
Şərh