XƏBƏR LENTİ
Hava şaxtalı olacaq, qar yağacaq - XƏBƏRDARLIQ
"McLaren P1 GTR" satışa çıxdı - FOTO
"Porsche" kafeyə girdi: 2 yaralı - VİDEO
Bakıda yarım milyonluq maşın satışa çıxarıldı - FOTO
İki avtomobil toqquşdu: xəsarət alanlar var - Ağdamda
Cnayətlərin və inzibati xətaların sayı artıb
Bakıda boş əraziyə parkomat qoyuldu - FOTO
Bekhem yaşlı qadını gördü, maşını saxladı - FOTO
Qanunsuz yolla qızıl-zinət əşyalarının keçirilməsinin qarşısı alınıb - FOTO
Zəncirvari qəza: 3 nəfər xəsarət alıb - Xaçmazda
Avtomobil dayanacaqda duran iki nəfəri vurdu - Lənkəranda
Azərbaycan və Küveyt arasında çarter reyslərinin həyata keçirilməsinə başlanılıb
34 yaşlı qadın 36 tonluq tramvayı çəkdi – VİDEO+ FOTO
AZAL qalmaqalı böyüyür - Gəncənin deputatları Prezidentə müraciət edəcəklər
Ulduz futbolçunun maşınına hücum etdilər - FOTO
Bankomatdan 40 min manat oğurlandı - Bakıda
Siqaretlər bahalaşıb
Polis avtomobili atəşə tutuldu – FOTO+VİDEO
Polis Şöbəsinin qarşısında polis əməkdaşını avtomobil vurdu - Saatlıda
Bakıda avtobus zolaqlarını kim salacaq?
"Bakı Metropoliteni" tender keçirir
Təyyarədə siqaret və mobil telefon qadağasının ƏSL SƏBƏBLƏRİ
Maşın iki piyadanı vuraraq öldürdü - Bakıda
Yeniyetmələrin olduğu avtobus qəzaya düşdü: 16 ölü, 36 yaralı
Təyyarə qəzaya uğradı: 2 ölü, 2 yaralı
Vertolyot qəzaya düşdü: 3 yaralı
Sərnişin təyyarəsi qəza enişi edib
Dənizində balıqçı qayığı batdı: 12 nəfər itkin düşüb
Xəzər Dəniz Gəmiçiliyi müsabiqə keçirir
“Azərenerji” 15 ədəd “NAZ Lifan” alıb
Digər xəbərlər
Get Adobe Flash player
YOL QƏZALARININ VİDEOSU
Al-sat / 01 Oktyabr 2015
Maşın bazarında son vəziyyət; 10 minlik maşınlar 6 minə düşüb - FOTO
22:39
4974
Maşın bazarında son vəziyyət; 10 minlik maşınlar 6 minə düşüb - FOTO
Loading...
Avtosalonların bir neçəsi artıq bağlanıb; böyük və bahalı avtomobillərin alıcısı yoxdur

Azərbaycanda Avro-4 standartlarının tətbiq olunması və xaricdən avtomobil alışına məhdudiyyətlərin qoyulması, dolların manat qarşısında bahalaşması maşın bazarını böhran vəziyyətinə salıb. Təkcə Gömrük Komitəsinin və Gürcüstan Milli Statistika Komitəsinin məlumatlarına nəzər salsaq, avtomobilin idxalında kəskin azalmanın olduğunun şahidi olmaq olar. Avtosfer.az xəbər verir ki, oxu.az hazırda bu sahədə son vəziyyətlə tanış olmaq üçün Bakının maşın bazarlarından birində olub. Avtomobil satışı ilə məşğul olan İlham Kərimov bildirib ki, bazarda həm qiymətlər, həm də alıcılıq qabiliyyəti olduqca aşağıdır: "Avtomobillərin qiyməti kəskin aşağı düşüb. Belə ki, əvvəllər 10 min manata satılan avtomobillər bu gün 6-7 min manat arasında satılır. Bundan başqa, kəskin azalma həm Rusiya istehsalı olan avtomobillərdə, həm də xarici avtomobillərdə müşahidə olunur. Alıcılıq qabiliyyəti də aşağıdır. Bazara gələn potensial alıcı isə ancaq ucuz, balaca avtomobil alır, çünki pulunu itirməkdən qorxur.

Qiymətin enməsinə rəğmən böyük və bahalı avtomobillərin («Jeep», «Toyota Prado») alıcısı da yoxdur. Onu da deyim ki, əgər balaca maşınların qiyməti 2000-3000 manat düşübsə, böyüklərdə isə bu rəqəm 10-15 min manat arasında dəyişir. Bundan əvvəl 2008-ci il istehsalı olan Prado-nu 28-30 min manata almaq mümkün idisə, indi bu avtomobillərin qiyməti 21-22 min manata düşüb".  

Başqa bir satıcı Nazim Şabanov isə həmkarının əksini düşünərək, bazarda alverin satıcının bacarığından asılı olaraq dəyişdiyini bildirib: "Bazarda yaxşı alver var. Maşın almaq istəyən alır. Almayanlar isə sadəcə ziyarətçi kimi bazara gəlir və sonra çıxıb gedir. Onu deyim ki, maşından başı çıxmayan biri heç vaxt alver edə bilməz. Bacaran satır. Alver yoxdur söhbəti isə yalandır. Lap yaxşı alver gedir".

N.Şabanov dolların ucuzlaşacağına, bazarın dirçələcəyinə də əmin olduğunu bildirib: "Avtomobilə ehtiyac həmişə var. Elə buna görə, alver də dirçələcək".

Daimi müştərilərdən bir neçəsi bildirib ki, əsasən bazarda alver şənbə-bazar günləri səhər saat 5-6 da başlayır. Çünki real alıcı bilir ki, bu vaxtı bazarda daha ucuz avtomobil tapa bilər. Günorta 12-1-də isə bazar seyrəkləşir.

Qeyd edək ki, biz bazara gedəndə çərşənbə axşamı olduğundan alıcı tapmaq müşkül məsələ idi.

Avtosalonların birində administrator çalışan Ramin Tahirov isə qeyd edib ki, hazırda bazarın 50%-i boşalıb: "Hazırda bazarın vəziyyəti acınacaqlıdır. Son 3-4 ay ərzində bazarın 50 %-i boşalıb. Bahalı maşınların satışı azalıb. Demək olar ki, bütün satış üzrə vəziyyət zəifləyib. Manat kursun dəyişməsi də buna təsir edib. Alıcılar bahalı avtomobilə investisiya etməkdən qorxur. Əlindəki vəsaiti itirməmək üçün isə ya o vəsaiti saxlayır, ya da daha ucuz avtomobil alır. Belə deyək əlacsızlıqdan ucuz maşın alır. Bir ay bundan əvvəl 65 min manata satılan avtomobilin qiyməti 60 min manata düşübsə, alıcı artıq başa düşür ki, növbəti mərhələdə 60 minlik maşının qiyməti 55 min manata belə düşə bilər. Yəni, qısası bahalı maşın alsa pulunu itirəcək. Əslində alıcıları da başa düşmək olar, onlar pullarını itirmək istəmirlər".

Tahirov maşın bazarında böhranın ola biləcəyini də istisna etmir: "Bütün satış dövrü belə getsə, bazar zəifləyəcək. Maşınların qiyməti düşdükcə, satışlar da zəifləyir. Avtosalonların bir neçəsi artıq bağlanıb. Belə ki, alıcılıq qabiliyyətinin zəifləməsi onların gəlirlərini azaldıb, amma xərcləri (icarə haqqı, su xərci) sabit qalıb. Vəziyyət bu cür davam etsə, daha bir neçə avtosalonların bağlanması istisna deyil. Yəni, güclü salonlar zəifləyə, zəifləri isə bazardan çıxa bilər".

"İmperial Car" şirkətinin rəsmisi İlham Tağıyev hazırda qiymətlərin Gürcüstanın maşın bazarından belə ucuz olduğunu, amma bazarın dayandığını bildirib: "Bazarda vəziyyət dayanma nöqtəsindədir. Avtomobillərin qiymətləri hər gün düşür. Belə ki, bu gün biz əvvəllər 40 min manata satdığımız maşını 20 minə, 20 minə satdığımız maşını isə 12 minə sata bilmirik. İndi Gürcüstandan maşın gətirən yoxdur, yerli bazarda qiymətlər ondan da ucuzdur, amma bununla belə, alıcı yoxdur".

Tağıyev müştərilərin ucuz olmasına rəğmən belə, bahalı maşın ala bilməməsinin səbəbini banklar tərəfindən avtokreditlərin verilməsinə marağın azalması ilə əlaqələndirib: "Qabaqlar bahalı maşın alan müştəri pulun bir hissəsini bankdan kredit götürməklə ödəyirdi, bu gün isə vəziyyət dəyişib. Real alıcı da əlində olan nağd pulla ucuz avtomobil almaqla kifayətlənir".

"Bizim evimizi yıxan avtokreditlərin verilməsinin bəzi banklar tərəfindən marağın azalması və xaricdən avtomobil idxalına qoyulan qadağalar oldu" - deyə, o qeyd edib.  

Turbo.az saytının rəhbəri Anar Nəziyev bildirib ki, hazırda maşınların satışları 3-dəfəyə qədər azalıb: "Əgər əvvəllər 500 ədəd avtomobil satılırdısa, indi isə bu rəqəm 100-dən aşağıdır. Bazarda avtomobil satanlar çoxdur. Buna səbəb isə dollar bahalaşdığına görə, kreditləri ödəməkdə çətinlik çəkən müştərilərdir. Faktiki olaraq isə, bazarda avtomobil alan yoxdur. Hazırda maşınların alqı-satqısından daha çox dəyişdirilməsindən söhbət gedə bilər" - deyə, Nəziyev qeyd edib.

Oxunub: 4974
Foto
Şərh yaz
Ad
E-mail
Mesajınız
Digər xəbərlər