Kran işçinin başına düşdü - Xaçmazda

Xaçmazda dəmiryol işçisi bədəxt hadisənin qurbanı olub. Avtosfer.az anspress-ə istinadən xəbər verir ki, hadisə bu gün saat 15 radələrində "Azərbaycan Dəmir Yolları" ASC-nin Xaçmazın Çarxı kəndindəki dəmiryol stansıyasının ərazisində baş verib. Həmin stansıyanın elektrik çilingəri, 44 yaşlı Ələsgər Arif oğlu Musayev ərazidə iş görərkən başına qaldırıcı kran düşüb və o, aldığı xəsarətlərdən elə hadisə yerindəcə dünyasını dəyişib. Hadisə yerinə Xaçmaz Prokrurloğunun və Dəmiryol Nəqliyyatında Baş Polis İdarəsinin Xaçmaz Xətt bölməsinin əməkdaşları gəlib. Hadisənin ehtiyatsızlıq üzündən baş verdiyi bildirilir. Ölüm faktı ilə bağlı Xaçmaz prokrurloğunda araşdırmalara başlanılıb.