Qatar relsdən çıxıb: maşinist ölüb, 15 nəfər yaralanıb

Bolqarıstanın mərkəz hissəsində Stara-Zaqora şəhəri yaxınlığında sürət qatarı relsdən çıxıb. Lent.az-ın “İnterfaks”-a istinadən məlumatına görə,  ilkin olaraq, maşinistin öldüyü, daha 15 nəfərin çeşidli dərəcədə yaralandığı bildirilib. Qatar ölkə paytaxtı Sofiyadan dənizkənarı Burqas şəhərinə  hərəkət edirmiş. Hadisənin başvermə səbəbi haqda məlumat yayılmayıb.