Nazir əmr verdi: “Ermənilərin bütün hərbi obyektləri vurulsun”

Gündəm 28 Aprel 2016 23:10 Oxunub 6354
Nazir əmr verdi: “Ermənilərin bütün hərbi obyektləri vurulsun”
WhatsApp kanalımıza abunə ola bilərsiniz
"Bütün qoşunlara əmr verilib ki, düşmənə qarşı cavab zərbəsi açılsın"

“Bütün qoşunlara düşmənə qarşı cavab zərbəsi endirmək əmr edilib”. Avtosfer.az atv.az-a istinadən xəbər verir ki, bunu cəbhə bölgəsində jurnalistlərin suallarını cavablandıran Müdafiə Nazirliyinin mətbuat xidmətinin rəisi, polkovnik Vaqif Dərgahlı deyib. Onun sözlərinə görə, Ermənistan hərbi birləşmələri artıq iki gecədir BM-21 yaylım atəşləri sistemindən də yaşayış kəndlərini atəşə tuturlar: “İri çaplı silahlardan atırlar. Minaatanlardan, o cümlədən D-20 və D-30 haubitsalarından atırlar. Hətta iki gecədir artıq BM-21 yaylım atəşləri sistemindən də atırlar. Əsasən atılan mərmilər yaşayış kəndlərinə düşür. Mülki əhalinin yaşadığı kəndlərə düşür. Müdafiə naziri tərəfindən tapşırıq verilib. Bütün qoşunlara əmr verilib ki, düşmənə qarşı cavab zərbəsi açılsın. Və vurulan atəş ancaq onların hərbi obyektlərinə və yaşayış məntəqələrində gizlətdikləri hərbi nöqtələr vurulmalıdır. Cavab tədbirləri görülür”.

ŞƏRH YAZ
Ad

E-mail

Şərh