Təyyarəyə çata bilmədiyi üçün polisə zəng edərək bomba olduğunu deyib

Türk Hava yollarının İstanbul-Riqa reysi üçün hazırlanan təyyarəyə yalandan bomba olduğunu bildirən sərnişin polis tərəfindən saxlanılıb. Avtosfer.az musavat.com-a istinadən bildirir ki, dünən səhər saatlarında Atatürk hava limanında Latviyanın paytaxtı Riqaya hərəkət etmək üçün hazırlanan təyyarə sərnişin qəbulunu tamamlayıb, uçuş zolağına yaxınlaşıb. Bu zaman kimliyi bilinməyən bir şəxs polisə zəng edərək, təyyarədə bomba olduğunu bildirib.

Təhlükəsiz bir yerə çəkilən təyyarədə bomba axtarışı edilib. Təyyarədə heç nə tapılmayıb və sərnişinlər başqa bir təyyarə ilə Riqaya yola salınıb. 

Polisin axtarışından sonra D.T adlı şəxs saxlanılıb. 

O, təyyarəyə vaxtında çata bilmədiyi üçün belə bir hərəkət etdiyini bildirib.