Nazir Baş DYP-də böyük dəyişiklik etdi - Rəis müavini getdi

Yol polisi 31 May 2016 15:49 Oxunub 12253
Nazir Baş DYP-də böyük dəyişiklik etdi - Rəis müavini getdi
WhatsApp kanalımıza abunə ola bilərsiniz
Baş DYP-nin rəis müavini vəzifəsinə polkovnik Elşən Kazımov təyin edilib

Daxili işlər naziri, general-polkovnik Ramil Usubov Daxili İşlər Nazirliyi Baş Dövlət Yol Polisi İdarəsinin rəis müavini, polkovnik Ramiz Hüseynovun tutduğu vəzifədən azad edilməsi ilə bağlı əmr imzalayıb. Əmrə əsasən, Ramiz Hüseynov yaş həddi ilə əlaqədar olaraq təqaüdə göndərilib. Baş Dövlət Yol Polisi İdarəsinin şöbə rəisi, polkovnik Kamran Əliyevin Avtosfer.az-a verdiyi məlumata görə, Ramiz Hüseynovun yerinə polkovnik Elşən Kazımov təyin edilib. O, indiyə qədər Baş İdarənin qərargah rəisi vəzifəsini tuturdu.

Ramiz Hüseynov uzun illərdir DYP sistemində çalışır. Yol hərəkəti təhlükəsizliyi və sürücülərin inzibati məsuliyyəti ilə bağlı qanunların işlənib hazırlanmasında rolu olub. DYP ilə bağlı qanunların qəbulunda yaxından iştirak edib, Milli Məclisin iclaslarında deputatların suallarını cavablandırıb.

Ona bundan sonrakı fəaliyyətində uğurlar arzulayırıq!

 

Elməddin

ŞƏRH YAZ
Ad

E-mail

Şərh