Arxada düzünə gedən avtomobilin sürücüsü nə etməlidir? - DOĞRU CAVAB

Avtosfer.az ötən həftənin sualının doğru cavabını və ilk doğru cavab verib qalib gəlmiş şəxsin kimliyini açıqlayır. Yol hərəkətinə dair biliklərini sınamaq istəyənlər üçün budəfəki sual ötmə qaydaları ilə bağlıdır. Yol hərəkəti üzrə ekspert Ərşad Hüseynov tərəfindən hazırlanan sual belədir:

Bu vəziyyətdə arxada düzünə gedən avtomobilin sürücüsü nə etməlidir?

a) Yolayrıcına daxil olmalı, yük avtomobilinin yolayrıcını boşaltmasını gözləməli, bundan sonra hərəkətini davam etdirməlidir;

b) Sağ zolaqda arxadan gələn nəqliyyat vasitəsi yoxdursa, sola dönən yük avtomobilini sağdan ötərək hərəkətini davam etdirməlidir;

c) Yolayrıcına daxil olmadan kəsişmə yeri qarşısında dayanmalı, yük avtomobilinin yolayrıcını boşaltmasını gözləməli, bundan sonra hərəkətini davam etdirməlidir.

Sualın doğru cavabı belədir: “Yol hərəkəti haqqında” Qanunun 51-ci maddəsinin V hissəsinin 1-ci bəndinə əsasən, nizamlanmayan yolayrıclarında sürücüsü sola dönmə siqnalı verən və manevrə başlayan nəqliyyat vasitəsini sağ tərəfdən ötməyə icazə verilir. Deməli, sualın doğru cavabı “B” variantı olacaq: Bu vəziyyətdə arxada düzünə gedən avtomobilin sürücüsü sağ zolaqda arxadan gələn nəqliyyat vasitəsi yoxdursa, sola dönən yük avtomobilini sağdan ötərək hərəkətini davam etdirməlidir.

Suala ilk doğru cavabı Vüsal adlı oxucumuz verib. Onu təbrik edirik.

Sualın sponsoru olan 188 evakuasiya və yükdaşıma xidmətindən hədiyyə kartını əldə etmək üçün 050 246 96 97 nömrəsinə zəng etmək xahiş olunur. Digər sponsorumuz "ELİNOX" soyuducu vitrinlər və mətbəx avadanlıqlarından hədiyyəni əldə etmək üçün 055 711 00 85 nömrəsinə zəng etmək lazımdır.

Sualın daha bir sponsoru "SMS Radar" xidmətidir. Siz 5666-ya SMS göndərməklə bütün cərimələrəniz haqqında məlumat ala bilərsiniz. Qalib gəlmiş şəxs bu xidmətdən pulsuz istifadə haqqı qazanıb. Hədiyyə ilə bağlı daha ətraflı məlumat üçün (Smsradar.az) 055 288 11 27 nömrəsinə zəng edin!

 188 haqqında;

Biz nə bacarırıq?

- İri əşyaların yığılması və sökülməsi

- Yükün nəqliyyat qablaşdırması

- Mərtəbəyə qaldırma və pilləkənlə endirmə

- İstənilən mürəkkəblik dərəcəsinə malik yükləmə işləri

- Yükün avtomobildə bərkidilməsi

- Mebelin yerləşdirilməsi

- Nəqliyyat texnikasının idarə olunması

 - Daşınan bütün yüklər sığortalanır

188-ə zəng etmək kifayətdir.

Öyrənək, öyrədək!