Sabahdan “20 Yanvar” stansiyasının 1-ci vestibülü açılır - FOTOLAR

Gündəm 7 Noyabr 2016 19:40 Oxunub 1360
Sabahdan “20 Yanvar” stansiyasının 1-ci vestibülü açılır - FOTOLAR
WhatsApp kanalımıza abunə ola bilərsiniz
3-cü eskalatorun yerində daş pilləkən inşa edilib

Cari ilin iyul ayının 1-dən istismar müddəti başa çatmış ET-5 tipli üç eskalatorun dəyişdirilməsi məqsədilə «20 Yanvar» stansiyasının bağlanmış 1-ci vestibülü noyabr ayının 8-də yenidən sərnişinlərin giriş-çıxışı üçün açılır. “Bakı Metropoliteni” QSC-nin mətbuat xidmətindən Avtosfer.az verilən məlumata görə,  1985-ci ildən istismarda olan «ET-5» tipli 3 köhnə eskalator demontaj edilərək, onların yerinə Almaniyanın «Thyssen Krupp» şirkətinin dayaz özüllü stansiyalar üçün nəzərdə tutulmuş «Tugela» tipli 2 eskalatoru quraşdırılıb. 3-cü eskalatorun yerində isə daş pilləkən inşa edilib.

Ötən müddət ərzində stansiyanın birinci vestibülündə eskalatorların dəyişdirilməsi ilə yanaşı, kassa zalında, keçidlərdə, xidməti otaqlarda təmir işləri aparılıb, turniketlər, elektrik avadanlıqları və işıqlandırma sistemi yenilənib. Görülən işlər çərçivəsində vestibülün və keçidlərin döşəmə və divarlarının mərmər-qranit örtüyü yenilənib. Divarlarda 1990-cı ilin 20 yanvar hadisələrinin günahsız qurbanlarının, həmçinin 1994-cü il martın 19-da bu stansiyada baş vermiş terror aktı nəticəsində həlak olanların adları əks olunmuş xatirə lövhələri yeni tərtibatla qurulub.

 

Fidan

FOTO QALEREYA
ŞƏRH YAZ
Ad

E-mail

Şərh