Avtomobil bazarında vəziyyət

Son günlər avtomobil bazarında ikinci əl maşınlar daha çox satılır. Bunu sherg.az-a avtomobil bazarındakı vəziyyətlə bağlı danışarkən Avtosfer.az saytının baş redaktoru, nəqliyyat üzrə ekspert Elməddin Muradlı deyib. Ekspert qeyd edib ki, yeni avtomobillərin satışında durğunluq müşahidə olunur: "Xaricdən Azərbaycana gətirilən avtomobillərin satışında da ciddi azalma özünü göstərir. Ölkəyə daha çox ikinci əl maşınlar gətirilir, ona görə ki, yeni avtomobillərin alıcı kütləsi zəifdir. Bir müddət əvvəl işlənmiş maşınların satışının artması ilə bağlı maşın bazarında aktivlik müşahidə olunurdu. Hazırda isə bazarda qiyməti 10 minə qədər olan maşınların satışı qismən davam edir. Amma yeni avtomobillərdə qiymət yüksək olduğundan satış zəifdir”.