AZAL təyyarələrinin "yaşı" - İNFOQRAFİKA

Rusiya Müdafiə Nazirliyinə məxsus Tu 154  təyyarəsinin qəzaya uğraması Azərbaycanda da bu tip hava gəmilərinin olub-olmamasını gündəmə gətirdi. Avtosfer.az xəbər verir ki, bu barədə  "istipress" Azərbaycan Hava Yollarına istinadən xəbər verir ki, Azərbaycan Rusiyanın istehsalı olan bu hava gəmilərindən 2010-cu ilin dekabrın 24-dən  ildən imtina edib. 

Hazırda AZAL-ın təyyarə parkında "Airbus", "Boeing" və "Embraer" şirkətlərinə məxsus hava laynerləri mövcuddur. Onların arasında ən «yaşlısı» 1982-ci il istehsallı Boeing 757-200 tipli təyyarələrdir. Milli hava yolları 4 belə hava gəmisini istismar edir. Maraqlıdır ki, qəzaya uğrayan Tu 154 təyyarəsi 1983-cü il istehsallı, yəni Boeing 757-200-dən cəmi bir il "cavan" imiş. 

Müvafiq olaraq Boeing 767-300 1986 cı il

Airbus A320 1987-ci il (7 ədəd)

Airbus A319 1995-ci il (3 ədəd) 

Airbus A340-500 2002-ci il

Embraer ERC 170-100 LR  2002-ci il (1 ədəd)

Embraer ERC 190-100 2006-cı il (4 ədəd)

Boeing 787-8 Dreamliner ( 1 ədəd) 2011-ci il

AZAL-ın rəsmi internet səhifəsindəki məlumatdan fərqli olaraq, mətbuat xidmətindən bildiriblər ki, Azərbaycan Hava Yollarının donanmasında orta yaş 7-dir. İstiPress-ə təqdim olunan infoqrafikada təyyarələrin yaşı deyil, uçuş məsafəsi əks olunub və onların arasında ən çox yol qət edən Airbus A340-542 tipli sərnişin təyyarəsidir. Ancaq bu hava gəmisi barədə qurumun rəsmi saytında hər hansı məlumat yoxdur.

Bizim təyyarələrin istehsal tarixinə aid sorğumuz isə müvafiq departamentə təqdim olunub və cavab veriləcəyi deyildi. Ümumilikdə isə mütəxəssislər bildirirlər ki, aviasiyada təyyarələrin ömrü istismar zamanı  detalların 3 qayda üzrə dəyişdirilməsi əsasında ölçülür. Burda təyin olunan təqvim üzrə, uçuş saatının sayına və enib qalxma sayına uyğunluluq nəzərə alınır.