Yol polisindən kobud qayda pozuntusu – Gül almaq üçün nələr etdi - FOTO
Yol polisi 5 Yanvar 2017 00:59 6401 dəfə oxunub
Yol polisindən kobud qayda pozuntusu – Gül almaq üçün nələr etdi - FOTO
Qarşı yola çıxan yol polisi avtomobili sürücülər üçün təhlükə yaradıb

Yanvarın 2-də, saat 19:50 radələrində çəkilən bu görüntülərdə 99-YP-351 nömrə nişanlı DYP avtomobilinin kobud qayda pozuntuları etdiyi iddia olunur. Avtosfer.az-ın reportyoru Fuad Məmmədovun verdiyi məlumata görə, 99 YP 351 saylı yol patrul xidməti maşını Yusif Vəzir Çəmənzəminli küçəsinin Azadlıq prospekti ilə kəsişməsindən - prospektin Həsən Əliyev küçəsi ilə kəsişməsinə qədər sayrışan işıqları yandırmadan qoşa xətti keçərək əks yolla hərəkət edib. Yol boyu qarşıdan gələn nəqliyyat vasitələri üçün ciddi təhlükə yaradan YP-351  işıqforla nizamlanan yolayrıcında, Azadlıq prospektindən Həsən Əliyev küçəsinə sola dönən sürücülərin də hərəkətinə mane olub. Belə ki, yol polisi maşını düzünə hərəkət edib və kəskin manevr edərək, "Edelveys" gül dükanının qarşısında saxlayaraq, dükana düşüb.

Bakı şəhər Dövlət Yol Polisi İdarəsi yəqin ki, qeyd edilən tarixdə kamera görüntülərini araşdıracaq, yol polisinin bu intizamsızlığını cəzasız qoymayacaq.

Qeyd edək ki, bu qayda pozuntusuna görə həmin DYP avtomobilini idarə edən sürücüyə 4 bal, 100 manat cərimə düşür.

 

Elmin

QALEREYA
ŞƏRH YAZ
Ad
E-mail
Şərh