Sürücü 1 saniyə fərqlə eyni radara iki dəfə düşüb, cərimə ikiqat tələb olunur - FOTO
Yol polisi 5 Yanvar 2017 22:36 15934 dəfə oxunub
Sürücü 1 saniyə fərqlə eyni radara iki dəfə düşüb, cərimə ikiqat tələb olunur - FOTO
Məsələyə DYP də münasibət bildirib

Bakı sakini bir saniyə fərqlə eyni radara iki dəfə düşüb. Buna görə də həmin şəxsdən eyni cərimənin iki dəfə ödənilməsi tələb olunur. Avtosfer.az xəbər verir ki, hadisə Bakı-Quba yolunun 138-ci kilometrliyində qeydə alınıb. Belə ki, Bakı şəhər sakini "Subaru-Forester" markalı avtomobillə hərəkətdə olan zaman "Yol hərəkəti haqqında" qanunun 50-ci maddəsinin tələbini pozaraq yolda müəyyən edilən hərəkət sürətinin həddini aşıb və radara düşüb. Sürücüyə eyni radardan 1 saniyə fərqi ilə inzibati xətalar haqqında protokol iki dəfə rəsmiləşdirilib və ünvanına göndərilib.

Daxili İşlər Nazirliyinin (DİN) Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi Kamran Əliyev "Report"a açıqlamasında bildirib ki, sürücünün eyni radara 1 saniyə fərqli ilə düşməsi çox nadir hallarda baş verən texniki səhvdir: "Əgər belə bir hal baş veribsə və sürücünün eyni radara düşməsi ilə bağlı protokol iki dəfə rəsmiləşdirilibsə, həmin protokollardan birinə xitam verilməlidir. Bunun üçün sürücü ya BDYPİ-yə müraciət etməlidir".

Günün ikinci yarısında DYP-dən Avtosfer.az-a verilən məlumata görə, artıq həmin protokollardan birinə xitam verilib.

VIDEO
QALEREYA
ŞƏRH YAZ
Ad
E-mail
Şərh