Bakı-Gəncə sürət qatarının işə salınacağı vaxt açıqlanıb
Yeniliklər 6 Yanvar 2017 20:15 1068 dəfə oxunub
Bakı-Gəncə sürət qatarının işə salınacağı vaxt açıqlanıb
Bu istiqamət üçün əlavə yeni qatarların alınacağı gözlənilir

Bakı-Gəncə sürət qatarının fəaliyyətə başlayacağı vaxt məlum olub. Ölkənin Qərb bölgəsinə sürət qatarı Bakı-Böyük Kəsik istiqamətində dəmir yolunun əsaslı təmiri yekunlaşdıqdan sonra hərəkət edəcək.

Avtosfer.az xəbər verir ki, Bu barədə "Azərbaycan Dəmir Yolları" QSC-nin Sərnişin daşımaları Departamentinin rəis müavini Mədət Şıxəmirov deyib.

Onun sözlərinə görə, bu istiqamətdə qatarların sürəti 100-140 km/saat təşkil edəcək: "Gəncəyə İsveçrənin  "Stadler Rail" şirkətinin "KİSS" markalı qatarları hərəkət edəcək. Ehtimal edirik ki, əlavə bu cür qatarların alınmasına ehtiyac yaranacaq".

Qeyd edək ki, hazırda Bakı-Böyük Kəsik istiqamətində 600 km dəmir yolu əsaslı təmir olunur. Ötən ilin dekabr ayında Bərgüşad-Müsüslü mənzilində 12,5 km yolun əsaslı təmirinə start verilib. Bu layihənin icrasına isə 2015-ci ilin oktyabr ayının sonunda başlanılıb və bu günə kimi 186 km dəmir yolu əsaslı təmir olunub.

ŞƏRH YAZ
Ad
E-mail
Şərh