Prokuror 65 yaşlı qadını vurub öldürən sürücüyə cəza istəyib
Bu gün Bakı Ağır Cinayətlər Məhkəməsində ölümlə nəticələnən yol-nəqliyyat hadisəsi törətməkdə təqsirləndirilən Elgün İbrahimovun cinayət işi üzrə məhkəmə prosesi davam etdirilib. Avtosfer.az apa-ya istinadən xəbər verir ki, hakim Eldar İsmayılovun sədrliyi ilə keçirilən prosesdə dövlət ittihamçısı çıxış edib. Prokuror E. İbrahimova 6 illik həbs cəzası istəyib.
Təqsirləndirilən şəxsin hüquqlarını müdafiə edən vəkil Tarif Nəsirov müdafiə çıxışı üçün məhkəmədən vaxt istəyib.
Proses yanvarın 24-də davam etdiriləcək.
Qeyd edək ki, hadisə ötən il aprelin 10-da saat 20 radələrində Xəzər rayonunun Binə qəsəbəsində qeydə alınıb. Bakı şəhər sakini Elgün İbrahimov idarə etdiyi "Opel" markalı avtomobillə 65 yaşlı qadını vurub. Nəticədə həmin şəxs hadisə yerində ölüb.