Şamaxıya yagan qar magistral yolda çətinliklər yaradıb
Gündəm
23 Yanvar 2017 00:04
Oxunub 1237
Avtomobil yolunun enişli-yoxuşlu olması nəqliyyat vasitələrinin yolda qalmasına səbəb olub
Axşam saatlarında Şamaxı rayonuna yagan qar səbəbindən magistral yolda avtomobillərin hərəkətində problemlər yaranıb. Bakı-Şamaxı-Yevlax magistral yolunun Şamaxı rayonunun Muğanlı və Şərədil kəndlərindən keçən hissəsində hərəkət edən nəqliyyat vasitələri maneələrlə üzləşiblər. Ərazidəki avtomobil yolunun enişli-yoxuşlu olması bəzi nəqliyyat vasitələrinin yolda qalmasına səbəb olub. Əraziyə "Azəravtoyol" ASC-nin Şamaxı və Ağsu rayon idarələrinin qartəmizləyən texnikaları cəlb edilib və yolların qardan təmizlənməsinə başlanılıb.
Hazırda avtomobillərin hərəkəti qismən bərpa olunub.
"Report"
ŞƏRH YAZ