Sürücülərə bəd xəbər - "A-92 və dizel yanacağı da bahalaşacaq

Avtoxəbər 1 Fevral 2017 14:54 Oxunub 21000
Sürücülərə bəd xəbər - "A-92 və dizel yanacağı da bahalaşacaq
WhatsApp kanalımıza abunə ola bilərsiniz
Qiyməti artırmaq məqsədilə Tarif Şurasına müraciət üçün yeni əsaslar yaranıb

"İdxal benzinin qiymətini artırmaqla yerli istehsalın bahalaşmasına zəmin yaradılır". Bu sözləri iqtisadçı ekspert Qubad İbadoğlu deyib. Ekspert bildirib ki, yaxın zamanlarda inhisarçı şirkət tərəfindən istehsal etdiyi məhsulun qiymətinin artırılmaq məqsədilə Tarif Şurasına müraciəti üçün yeni əsaslar yaradır: "Bildiyiniz kimi, bugünkü bahalaşmadan sonra Azərbaycana idxal olunan premium markalı benzin 1 manat 15 qəpik , “Super” markalı benzin isə 1 manat 20 qəpik olub. Son artımdan sonra idxal olunan benzinin 1 litrinin pərakəndə satış qiyməti ilə yerli istehsal arasında fərq xeyli çoxalıb. Məsələn, super markalı idxal benzinin qiyməti yerli istehsal olan dizel yanacağınızı qiymətindən 2 dəfə, A-92 markalı benzinin qiymətindən isə 1,71 dəfə yüksəkdir. Eyni zamanda manatın ucuzlaşması davam etdikcə bu fərq daha da yüksələcək. Bu isə yaxın zamanlarda inhisarçı şirkət tərəfindən istehsal etdiyi məhsulun qiymətinin artırılmaq məqsədilə Tarif Şurasına müraciəti üçün yeni əsaslar yaradır".

Ekspert onu da qeyd edib ki, A-92, Dizel, LPC markalı yanacağın qiymətini bahalaşdıracağı ehtimalı böyükdür: "İnhisarçı şirkətin idxal benzinin bahalaşmasından sonra A-92 benzinə tələbatın artdığını əsas götürməklə, yerli istehsal olan A-92, Dizel, LPC markalı yanacağın qiymətini bahalaşdıracağı ehtimalı böyükdür. Bununla yanaşı, son günlər manatın ABŞ dollarına nisbətən sürətlə ucuzlaşması, yerli yanacaq istehsalının dollar ifadəsində cari qiymətlərinin qonşu ölkələrlə müqayisədə aşağı düşməsinə və onlar arasında fərqin artmasına şərait yaradır. Beləliklə də ölkələrarası müqayisə də qiymətin bahalaşmasına əlavə arqumentlər yaradır. Odur ki, yaxın zamanlarda bütün növ markada olan benzinin qiymət bahalaşması gözləniləndir".

ŞƏRH YAZ
Ad

E-mail

Şərh

faxraddin mammadrzayev 1 Fevral 2017 16:06
NEFTİN QİYMƏTİ DÜŞDÜYÜ VAXT BENZİNİN QİYMƏTİNDƏ DƏYİŞİKLİK ETMƏYƏN TARİF ŞURASI MİLLƏTİ HAKİMİYYƏTƏ QARŞI NARAZILIQ YARATMAQ VƏ MİTİNQLƏRƏ SOVQ EDİR.....