Avtomobil qaçıran şəxs tutuldu - Azərbaycanda

Rusiya Federasiyasında avtomobil qaçıran şəxs Azərbaycanda tutulub. Avtosfer.az xəbər verir ki, bu barədə Daxili İşlər Nazirliyi məlumat yayıb. Rusiya Federasiyası Cinayət Məcəlləsinin 166-cı və 264-cü maddələri (nəqliyyat vasitəsinin qaçırılması, yol hərəkəti və nəqliyyat vasitəsinin istismarı qaydasını pozma) ilə axtarışda olan Natiq Qulamov Baş Mühafizə İdarəsinin əməkdaşları tərəfindən tutularaq Sumqayıt Şəhər Polis İdarəsinə təhvil verilib. Faktla bağlı araşdırmalara başlanılıb.