"Brabus" şirkəti yeni kabriolet hazırlayır - FOTO

"Brabus" şirkəti yeni kabriolet layihəsini tamamlayıb. Avtosfer.az xəbər verir ki, şirkətin mühəndisləri "Mercedes-AMG C63 S Cabriolet" modeli üzərində işləyiblər. Yeni layihə Cenevrə avtomobil sərgisində təqdim ediləcək. Üstüaçıq avtomobilin aqreqatı 641 at gücü hasil edir. Bunun nəticəsində avtomobil 100 km/saat sürəti cəmi 3.7 saniyəyə əldə edir. yeni "Brabus"un maksimal sürəti 320 km/saatdır. Qeyd edək ki, "Mercedes-AMG C63 S Cabriolet" modelinin aqreqatı 502 at gücü hasil edir. Texniki göstəricələrdən başqa kabrioletin kuzovu karbon lifindən hazırlanmış yeni komponentlərlə təchiz edilib. Avtomobilin interyeri yenilənib və 20 düymlük disklərlə də təklif edilir.