Sürücünün sükan arxasında ürəyi tutdu, maşın kanala düşdü - FOTO

Sükan arxasında sürücünün ürəktutması nəticəsində maşın kanala düşüb. Avtosfer.az publika.az-a istinadən xəbər verir ki, hadisə Türkiyənin Şanlıurfa bölgəsində baş verib. Qəza şahidləri dərhal özünü köməyə çatdırıb. Sürücü kanaldan çıxarıldıqdan sonra təcili yardım və polis əməkdaşları da hadisə yerinə gəlib. Xəstəxanaya aparılan sürücünün vəziyyətinin ağır olduğu bildirilir. Hadisə ilə bağlı araşdırma aparılır.