Yeni "Dodge Challenger SRT Demon" modeli üzə çıxdı - FOTOLAR

"Dodge" şirkəti yeni "Challenger SRT Demon" modelini rəsmən təqdim etməyib. Rəsmi təqdimatı keçirilməyən avtomobil Koloradoda avtomobil dayanacağında paparazilərin fotoaparatına tuş gəlib. Modelin üzərində tünerlərlə yanaşı mühəndislər də əziyyət çəkiblər. Salona quraşdırılan diaqnostika üçün nəzərdə tutulmuş kompüter yeniliklərdən xəbər verir. Şirkət rəsmi olaraq təsdiqləyib ki, yeni model "Hellcat" modelindən çəki etibarilə 100 kq yüngül olacaq. Salonda səs izolyasiyası azaldılıb, ehtiyat təkər ləğv edilib. Bundan başqa səs dinamolarının da sayı azaldılıb. "Dodge Challenger SRT Demon" modeli yeni təkər sisemi ilə də təchiz edilib. Avtomobilin mühərrik sistemi barədə məlumat verilmir. Görünür şirkət bu məlumatı 11 aprel tarixində Nyu-Yorkda keçiriləcək avtomobil sərgisinə saxlayıb.

Ölkə.Az