Avtomobillə vurulan Bakı sakini öldü - Abşeronda

Abşeronda piyadanın ölümü ilə nəticələnən yol-nəqliyyat hadisəsi baş verib. Avtosfer.az xəbər verir ki, bu barədə Daxili İşlər Nazirliyinin mətbuat xidmətindən verilən məlumata görə,  Abşeron rayonunun Təzəkənd qəsəbəsində Ağsu rayon sakini Tehran Verdiyev idarə etdiyi "VAZ-21074" markalı avtomobillə yolu keçən Bakı şəhər sakini Şirəli Hümbətovu vurub. Xəstəxanaya yerləşdirilən piyada orada ölüb. Baş İstintaq və Təhqiqat İdarəsi tərəfindən araşdırma aparılır.