"Memar Əcəmi" dairəsində xaos yaşanır - VİDEO

Yazarlar 25 May 2017 23:56 Oxunub 3266
"Memar Əcəmi" dairəsində xaos yaşanır - VİDEO
WhatsApp kanalımıza abunə ola bilərsiniz
Hətta bu səbəbdən qəzalar da baş verir

"Memar Əcəmi" metrostansiyasının qarşısındakı dairədə nəqliyyat vasitələrinin xaotik vəziyyəti yaranıb. Taksilər avtobus dayanacaqlarını zəbt edib. Avtobuslar da yolun ortasında sərnişinləri endirirlər. Avtosfer.az xəbər verir ki, görüntülər paytaxtın Nəsimi rayonundan, "Memar Əcəmi" metrostansiyasının qarşısındakı dairədəndir. Ərazidəki avtobus dayanacaqlarını taksilər zəbt edib. Taksilərin dayanacğı zəbt etməsi sərnişinlərə də bir sıra çətinliklər yaradır. Hətta bu səbəbdən qəzalar da baş verir.

Taksi sürücülərinin məsələyə münasibəti isə özünəməxsus şəkildə oldu.

Bakı Şəhəri Baş Polis İdarəsinin Yol Polisi İdarəsinin Bölmə rəisi Vaqif Əsədov bildirdi ki, avtobus dayancaqlarını zəbt edən bu cür taksi sürücülərinə qarşı mübarizə daim davam etdirilir. Təkcə ötən gün ərzində 120 belə sürücü barəsində inzibati protokol tərtib olunub. Hətta, onlardan bir neçəsi həftə ərzində eyni xətaya görə ikinci dəfə cərimələnənlərdir. 6 avtomobil isə cərimə meydançasına aparılıb. Bölmə rəisinin sözlərinə görə, Memar əcəmi metrostansiyasının qarşısında da belə tədbirlər aparılır. Lakin həmin sürücülər polisin qısa müddətə oradan uzaqlaşdığını görən kimi yenidən dayanacağa daxil olurlar. Dayanma-durma qaydasını pozan bu sürücüləri 40 manat cərimə gözləyir.

ŞƏRH YAZ
Ad

E-mail

Şərh