Göygöl rayon Polis Şöbəsinin rəisi işdən çıxarıldı

Göygöl rayon Polis Şöbəsinin rəisi tutduğu vəzifədən azad edilib. Avtosfer.az-ın APA-ya istinadən verdiyi məlumata görə, daxili işlər naziri, general-polkovnik Ramil Usubovun əmri ilə şöbə rəisi Bahadur Şükürov və şöbənin əməkdaşı - 1 zabit, 2 serjant vəzifələrindən azad olunub. Bahadur Şükürov 2015-ci ildə Ağsu rayon Polis Şöbəsinin rəisi vəzifəsindən Göygöl rayon Polis Şöbəsinin rəisi vəzifəsinə gətirilib. Hələlik onun yerinə təyinat olmayıb. Rayon Polis Şöbəsindən məlumat təsdiqlənib.