Avtomobilin yük yerindən narkotik vasitə aşkar olundu - FOTO

Gündəm 19 İyul 2017 11:26 Oxunub 1021
Avtomobilin yük yerindən narkotik vasitə aşkar olundu - FOTO
WhatsApp kanalımıza abunə ola bilərsiniz
Faktla bağlı Cinayət Məcəlləsinin müvafiq maddəsi ilə cinayət işi başlanılıb

Qusar Rayon Polis Şöbəsi (RPŞ) Şahdağ Polis Bölməsinin (PB) əməkdaşları tərəfindən narkotik vasitələrin qanunsuz dövriyyəsi və satışının qarşısının alınması istiqamətində əməliyyat tədbiri keçirilib. Daxili İşlər Nazirliyinin mətbuat xidmətindən Avtosfer.az-a verilən məlumata görə, Şahdağ PB-nə daxil olan məlumat əsasında həyata keçirilən əməliyyat-axtarış tədbiri nəticəsində Xudat şəhər sakini əvvəllər məhkum olunan Camo Harunov şübhəli şəxs qismində saxlanılıb. Onun üzərinə hal şahidlərinin iştirakı ilə baxış keçirilən zaman bir ədəd kibrit qutusunun içində ümumi çəkisi 6,170 qram olan qurudulmuş marixuana aşkar olunaraq götürülüb. Əməliyyat tədbirlərinin davamı olaraq bölmə əməkdaşları tərəfindən C.Harunovun idarə etdiyi “Opel” markalı avtomobilə də baxış keçirilib. Nəqliyyat vasitəsinin yük yerindən isə əlavə olaraq 295 qram marixuana aşkar edilib. Saxlanılan şəxs ifadəsi zamanı narkotik vasitələrin alqı-satqısı ilə məşğul olduğunu etiraf edib.

Faktla bağlı Cinayət Məcəlləsinin müvafiq maddəsi ilə cinayət işi başlanılıb, zəruri istintaq hərəkətləri, eləcə də əməliyyat-axtarış tədbirləri davam etdirilir.

 

Fərid

FOTO QALEREYA
ŞƏRH YAZ
Ad

E-mail

Şərh