Böyrü üstə gedən yarış furqonu düzəldildi – VİDEO

“24saat Limonov” (Le-Mane sutkalıq yarışlarına parodiya) yarışında dünyanın ən qəribə avtomobillərindən biri – “bir böyrü üstə gedən”  “Volkswagen”in furqonu iştirak edib. Avtosfer.az-ın Oxu.az-a istinadən məlumatına əsasən, bu yeni yarış avtomobili mexanik Cef Blox 70-ci illərin “Volkswagen” furqonundan düzəldib. Avtomobilə Trippy Tippy Hippy Van adı verilib. Qeyri-adi avtomobil ilk baxışda böyrü üstə gedən furqona bənzəyir. Lakin, əslində, avtomobil iki – furqonun yük hissəsindən və onun içidə gizlədilmiş minik avtomobilindən ibarətdir. Qeyd olunur ki, Trippy Tippy Hippy Van 120 at gücündə 1,8 litrlik motorla təchiz olunub və sürəti saatda 160 kilometrə qədər artıra bilir.