Çinlilər bu dəfə "Fiat"ı almaq istəyirlər

Çinin avtomobil istehsalçılarından biri İtaliyanın məşhur "Fiat Chrysler Automobiles" korporasiyasını satın almaq istəyir. Avtosfer.az Trend-ə istinadən xəbər verir ki, ötən həftə "Fiat Chrysler"in idarəçiləri Çində "Great Wall Motor" şirkətinin rəhbərliyi ilə görüşüblər. Görüşün təfərrüatları barədə məlumat verilmir. Həmçinin, Çinin digər avtomobil istehsalçılarının "Fiat Chrysler" korporasiyasını almaqda maraqlı olduğu bildirilir.