Sabah 1-ci sinifə gedəcək uşağı maşın vurdu - Mingəçevirdə
Gündəm
15 Sentyabr 2017 00:40
Oxunub 1708
Hadisəni törədən 37 yaşlı sürücü yaralı uşağı xəstəxanaya çatdırıb
Mingəçevir şəhərində avtomobil 6 yaşlı uşağı vuraraq ağır xəsarətlər yetirib. Avtosfer.az ”Report”a istinadən xəbər verir ki, şəhər sakini, 2011-ci il təvəllüdlü Maqsud Elşən oğlu İbrahimovu yolu keçmək istəyərkən “VAZ-2107” markalı avtomobil vurub. Hadisəni törədən 37 yaşlı sürücü yaralı uşağı xəstəxanaya çatdırıb. Əməliyyat olunan uşağın zədələnmiş dalağı həkimlər tərəfindən çıxarılıb. Xəstəxanadan yaralının vəziyyətinin kafi olduğu bildirilib.
Faktla bağlı araşdırma aparılır.
Qeyd edək ki, M.İbrahimov sentyabrın 15-də birinci sinifə gedəcəkdi.
ŞƏRH YAZ
DİGƏR XƏBƏRLƏR