Burada dayanacaq yoxdur - 300-dən çox ailə çətinlik çəkir - VİDEO

Xəbərlər 5 Oktyabr 2017 23:52 Oxunub 1262
Burada dayanacaq yoxdur - 300-dən çox ailə çətinlik çəkir - VİDEO
WhatsApp kanalımıza abunə ola bilərsiniz
Sakinlərinin əziyyət çəkdiyi digər bir məsələ isə piyada keçidi xətlərinin silinməsidir

300-dən çox ailənin yaşamasına baxmayaraq ətrafda bir dənə də dayanacaq yoxdur. Avtosfer.az-ın məlumatına görə, söhbət paytaxtın Binəqədi rayonu, Məmmədəmin Rəsulzadə qəsəbəsindən keçən "Baksol" yolunundandır. Yolun kənarındakı yaşayış massivinin sakinləri ərazidə sərnişin avtobusunu gözləmək üçün dayanacaqların olmamasından şikayətçidir. Qəsəbə sakinlərinin əziyyət çəkdiyi digər bir məsələ isə ərazidə olan piyada keçidi xətlərinin silinməsidir.

Ərazidəki dayanacaq problemi ilə bağlı Bakı Nəqliyyat Agentliyinin İcitmaiyyətlə əlaqələr və Maarifləndirmə şöbəsinin sektor müdiri Mais Ağayev bildirdi ki, əraziyə dayanacaqların qoyulması üçün artıq baxış keçirilib.

Piyada keçidinin silinməsi məsələsinə gəldikdə isə Baş Dövlət Yol Polisi İdarəsinin İctimaiyyətlə əlaqələr şöbəsinin rəisi Kamran Əliyev dedi ki, hazırda ərazidə təmir-tikinti işləri aparılır və işlər yekunlaşdıqdan sonra yolda lazımi yol hərəkət nişanları və işarələri yenilənəcək.

ŞƏRH YAZ
Ad

E-mail

Şərh