"Mercedes"in pilotu "Formula-1"in təsnifat mərhələsinin qalibi olub

Almaniyanın "Mercedes" komandasının pilotu Valtteri Bottas "Formula-1"in Braziliya Qran-prisinin təsnifat mərhələsinin qalibi olub. Avtosfer.az “Report”a istinadən xəbər verir ki, finlandiyalı pilot təsnifatın üçüncü seqmentində ən yaxşı dairəsini 1:08.322 dəqiqəyə başa vurub və "Ferrari"nin nümayəndəsi Sebastyan Fetteli 0,038 saniyə qabaqlayıb. "Formula-1" sinfində vaxtından əvvəl 2017-ci il mövsümünün çempionu titulu qazanmış britaniyalı Lüis Hemilton təsnifatın birinci seqmentində qəzaya düşüb və heç bir sürətli dövrəni keçə bilməyib.