Yasamalda avtomobil iki maşına çırpılıb - FOTO
Qəzalar
17 Noyabr 2017 10:01
Oxunub 1046
Nəticədə 1 nəfər xəsarət alıb
Paytaxtın Yasamal rayonu ərazisində xəsarətlə nəticələnən zəncirvari qəza baş verib. Avtosfer.az-ın "Report"a istinadən məlumatına görə, Orxan Kərimov idarə ediyi "Lifan" markalı avtomobillə Zivərbəy Əhmədbəyov küçəsindən "20 Yanvar" metrostansiyası istiqamətində hərəkətdə olarkən Emin Eyvazovun sükanı arxasında olduğu "VAZ-21014" yüksək sürətlə ara küçədən əsas yola çıxaraq "Lifan"ın arxa hissəsinə çırpılıb. "VAZ-21014" ardınca yol kənarında dayanan digər bir nəqliyyat vasitəsinə dəyərək dayanıb. Qəza zamanı avtomobillər yarasız vəziyyətə düşüb. "VAZ"da olan sərnişinlərdən biri xəsarət alaraq xəstəxanaya yerləşdirilib.
Hadisə yerində olan polis əməkdaşları sürücülərin izahatını alıb. Avtomobillər cərimə meydançasına aparılıb. Faktla əlaqədar araşdırmalara başlanılıb.
ŞƏRH YAZ
DİGƏR XƏBƏRLƏR
