Vaqif Əsədovdan sürücüyə "başın partlayar" deyən yol polisi ilə bağlı AÇIQLAMA

Yol polisi 21 Noyabr 2017 14:11 Oxunub 15152
Vaqif Əsədovdan sürücüyə "başın partlayar" deyən yol polisi ilə bağlı AÇIQLAMA
WhatsApp kanalımıza abunə ola bilərsiniz
"Kim istəyirsə gəlsin və bizim əlimizdə olan görüntülərlə də tanış olsun”

Bakı şəhər BPİ Dövlət Yol Polisi İdarəsinin Yol hərəkətinin təhlükəsizliyinin təbliği və ictimai qurumlarla əlaqə bölməsinin rəisi, polis polkovniki Vaqif Əsədov sürücünü hədələyən yol polisi ilə bağlı danışıb. Publika.az-a danışan Vaqif Əsədov qeyd edib ki, sosial mediada yayımlanan görüntülər və bəzi saytlar məsələni birtərəfli işıqlandırıblar: “Sözügedən görüntülər şəhərin Rəşid Behbudov və Üzeyir Hacıbeyov küçələrinin kəsişməsində baş verib. Sürücü "Yol hərəkəti haqqında" qanunu pozaraq əks istiqamətdə hərəkət zolağına çıxıb. Bizim əməkdaşlarımız isə sürücünü saxlayıb və nizamnaməyə uyğun şəkildə protokol təqdim etmək istəyiblər. Lakin, sürücü YPX əməkdaşı Elçin İsmayılova sənədlərini təqdim etməyib. 7-8 dəqiqə polis əməkdaşını gözlədib və daha sonra “vəsiqəm müəllimdədir” deyib. Bu nə deməkdir? Sürücünün vəsiqəsinin müəllimdə nə işi var? Həmin küçələrin kəsişməsində kameralar var. Hadisə anbaan kameralarda əks olunub. Mən bu görüntüləri yayımlamaq istəmirəm, kim istəyirsə gəlsin və bizim əlimizdə olan görüntülərlə də tanış olsun”.

V.Əsədov qeyd edib ki, YPX əməkdaşı yanlışlıqla sürücüyə “Sənin başın partlayar” ifadəsini işlədib: “Bizim həmin əməkdaşımız, Elçin İsmayılov 4 dil bilir. Azərbaycan, türk, rus və ingilis dillərini mükəmməl bilir. Sürücü 8 dəqiqə sənədlərini təqdim etmədiyi üçün əməkdaşımız ona demək istəyib ki, sənədlərinizi təqdim etməməyiniz sizin başınızı ağrıdar. Amma yanlışlıqla fikrini yanlış ifadə edib və “Sənin başın partlayar” deyib. Bunu bu dərəcədə böyütmək lazım deyil. Çox təəssüf edirəm ki, jurnalistlər bunu bu şəkildə birtərəfli işıqlandırıblar. İstəsəniz, mən həmin əməkdaşımıza hadisəni əvvəldən sona qədər ingilis dilində şərh etməsini də təşkil edə bilərəm. Yəni, aydın olsun ki, bu anlaşılmazlıq sadəcə çox dil bildiyi üçün fikrini ifadə etməkdə çətinlik çəkdiyindən yaranıb”.

ŞƏRH YAZ
Ad

E-mail

Şərh

Alx 23 Noyabr 2017 10:46
Bu YPX ishcisi deyir burdaki mashinlarin lazim olsa hamisini cekerem ve defelerle bashin partlayar deyir. Bu qeder yanilmaq olmaz. Bunun ozu qanundan cixib seckilik edir. Vaqif Esedov tedbir gormek evezine bunun el uzunu yuyur.
Alx 23 Noyabr 2017 10:41
438 nomreli YPX avtomobil surucusu Elçin İsmayılov COX SHEREFSIZIN BIRIDI. Belelerini saxlayirlar sistemde. Iclerinde yaxshilarida var YPX emekdashlarinin. Amma bu sherefsizdi. Cindirin biridi
Rasim 22 Noyabr 2017 10:54
Cənab Vaqif Müəllim çox dil biləndə nə olar ki,o polis oz ana dilin yaxşı bilməyir Başın ağrıyar sözü ilə başın partlayar sözündə fərq çoxdur