Yol polisi maşını saxlayıb sürücüləri qəzadan qorudu - VİDEO
Yol polisi
26 Noyabr 2017 00:34
Oxunub 2693
Bununla onlar baş verə biləcək qəzanın qarşısını əvvəlcədən almış oldular
Noyabrın 25-də Bakıda yol polislərinin daha bir nümunəvi hərəkəti Avtosfer.az-ın kamerasına düşüb. Bakı-Dairəvi yolunda (110 km saat sürət təşkil olunmuş yolda) yolun hərəkət hissəsinə düşmüş təxminən 30 litr həcmində olan plastmast qab sürücülərə təhlükə yaradıb. Bu təhlükəni görən 99-YP-356 qeydiyyat nişanlı YPX avtomobilində xidmət aparan əməkdaşlar dərhal patrul avtomobilini dayandıraraq həmin qabı yolun hərəkət hissəsindən götürüb kənarlaşdırıblar.
Polislərin bu cür nümunəvi hərəkəti alqışa layiqdir. Çünki bununla onlar yarana biləcək yol nəqliyyat hadisəsinin qarşısını əvvəlcədən almış oldular.
Xidməti vəzifələrini layiqincə yerinə yetirən həmin polis əməkdaşlarına Avtosfer.az-ın adından dərin təşəkkürümüzü bildiririk.
Fərid
ŞƏRH YAZ
