Nadir "Ferrari 250 GT" modeli 18 milyon dollara satılıb
Avtobazar 12 Dekabr 2017 10:15 373 dəfə oxunub
Nadir "Ferrari 250 GT" modeli 18 milyon dollara satılıb
3,0-litrlik V12 mühərriki ilə təchiz olunub

Bu günlərdə Sotheby’s hərrac evinin Nyu-Yorkda keçirilən hərraclarında nadir Ferrari 250 GT LWB California Spider Competizione Scaglietti modeli 17,99 milyon dollara satılıb. Bu avtomobil 1959-cu ildə xüsusi olaraq yarışlar üçün hazırlanıb və “Le Manın 24 saatı” marafonunda öz sinifində üçüncü, ümumi birincilikdə isə beşinci yeri tutub. Satılan nüxsə “1451 GT” nömrəli şassiyə malikdir.Bu model, tamamilə alüminiumdan hazırlanmış kuzova malik olan səkkiz belə avtomobildən biridir. Avtomobil yarış spesifikasiyasına uyğun olaraq inşa edilmiş və 266 at qüvvəsi hasil edən 3,0-litrlik V12 mühərriki ilə təchiz olunub.  Son 10 ildə avtomobil bir neçə dəfə sahibini dəyişmiş, klassik avtomobillərin yarışlarında və zəriflik müsabiqələrində iştirak edib.

2008-ci ildə avtomobil onun orijinal şassiyə, mühərrikə, ötürmələr qutusuna və arxa differensiala sahib olduğunu təsdiqləyən Ferrari Classiche sertifikatını alıb.

2010-cu ildə Motion Products şirkətinin mütəxəssisləri avtomobilin tam bərpasını həyata keçirərək, onun orijinal le man livreyasını da bərpa ediblər. (autograph)

ŞƏRH YAZ
Ad
E-mail
Şərh