Agentlik möhtəşəm təbliğat kampaniyasına başladı – Yola bax - FOTO
Öyrənək 21 Dekabr 2017 15:34 2776 dəfə oxunub
Agentlik möhtəşəm təbliğat kampaniyasına başladı – Yola bax - FOTO
Pavilyonlara yol hərəkəti təhlükəsizliyi ilə bağlı maarifləndirici lövhələr vurulub

Bakı Nəqliyyat Agentliyi Binəqədi şosesində aparılan yenidənqurma işləri ilə əlaqədar sərnişindaşıma keyfiyyətinin və yol hərəkəti təhlükəsizliyinin artırılması məqsədi ilə nəzərdə tutulan tədbirlərini yekunlaşdırıb. BNA-nın İctimai əlaqələr və maarifləndirmə şöbəsindən Avtosfer.az-a verilən məlumata görə, ilkin mərhələdə yolla bağlı bir sıra təhlillər aparılıb, sərnişin tələbatı öyrənilib. Əldə edilən nəticəyə uyğun olaraq 13 avtobus dayanacaq məntəqəsi təşkil edilib ki, onlardan da 10-da yeni pavilyon quraşdırılıb. Pavilyonlara yol hərəkəti təhlükəsizliyi ilə bağlı maarifləndirici lövhələr vurulub. Avtobusların digər nəqliyyat vasitələrinin hərəkətinə maneə yaratmadan dayanacaq məntəqələrinə rahat giriş-çıxışını təmin etmək məqsədi ilə yol boyu 9 yerdə cib təşkil edilib. Bütün məntəqələrdə yoldan dayanacaq məntəqəsinin ünvanı, oradan keçən marşrut xətləri ilə bağlı məlumat qeyd edilib. Ümumilikdə yolda 21 ədəd eynisəviyyəli piyada keçidi təşkil edilib.

Qeyd edək ki, görülən işlər “Azərbaycan Avtomobil Yolları" Dövlət Agentliyi ilə birgə həyata keçirilib.

 

Elmin

QALEREYA
ŞƏRH YAZ
Ad
E-mail
Şərh
Elgiz | 22 Dekabr 2017 00:57
Kecide tikilen abyek nece olacaq yolu zepd eleyib tixac yaradir