İddia: Türkiyə qırıcılarının UNO görməsi uzun illər məxfi saxlanılıb

Türkiyə qırıcıları Suriya sərhədində uçan naməlum obyekt (UNO) qeydə alıb. Avtosfer.az-ın Trend-ə istinadən məlumatına görə, bu barədə istefada olan general-leytenant Doğan Temel bildirib. O bildirib ki, Suriya sərhədində havada radarların qeydə alındığı işıldayan obyektlərin görünməsi ilə əvvəlcə Türkiyə qırıcıları, daha sonra dəstək üçün helikopterlər səmaya qaldırılıb. D.Temel qeyd edib ki, hadisə 1999-cu ildə qeydə alınsa da, bu, uzun illər məxfi saxlanılıb. O, sözlərini təsdiq edəcək foto və video materialların olduğunu vurğulayıb. Qeyd edək ki, D.Temelin iddiası rəsmi olaraq hələ təsdiqini tapmayıb.