Benzinin qiyməti ilə bağlı RƏSMİ AÇIQLAMA

Gündəm 25 Dekabr 2014 23:49 Oxunub 2495
Benzinin qiyməti ilə bağlı RƏSMİ AÇIQLAMA
WhatsApp kanalımıza abunə ola bilərsiniz
SOCAR ölkədə benzinin ucuzlaşmayacağını açıqladı

Azərbaycan Dövlət Neft Şirkəti (SOCAR) dünya bazarlarında neftin ucuzlaşması fonunda ölkədə benzinin ucuzlaşmamasına münasibət bildirib. Avtosfer.az-ın məlumatına görə, SOCAR-ın iqtisadi məsələlər üzrə vitse-prezidenti Süleyman Qasımov deyib ki, Azərbaycanda istehsal edilən “Aİ-92” markalı benzinin qiyməti Tarif Şurası tərəfindən tənzimlənir.

Vitse-prezident bildirib ki, SOCAR ölkə daxilində benzinin pərakəndə satışından çox az miqdarda gəlir əldə edir: “Bu vəsait də gəlir vergisinin ödənilməsinə yönəldilir. Bundan başqa, SOCAR qonşu dövlətlərlə neft və neft məhsullarının qiymətini müqayisə edib. Bu qiymətlərin içində vergilərin həcmi müəyyən edilib. Məlum oldu ki, Azərbaycanda neft məhsullarının qiyməti daha aşağıdır, vergilər həcmi isə daha yuxarıdır. Bütün bunları nəzərə alaraq, məlum olur ki, benzinin qiymətinə hər hansı bir dəyişikliyin edilməsinə ehtiyac yaranmır. Ölkə daxilində manatın qiymətdən düşməsində heç bir problem yoxdur, camaatın aldığı maaşda heç bir dəyişiklik yoxdur. Təbii, dövlət sabah qərar qəbul etsə ki, yanacağın qiymətinə baxılsın, bu halda bu qiymətlərə baxıla bilər”.

Ölkəyə gətirilən benzinin qiymətinin aşağı salınması məsələsinə toxunan S. Qasımov bildirib ki, “Aİ-95” və “Aİ-98” markalı benzin dövlət tərəfindən tənzimlənmir: “Bu markadan olan benzini bəzi şirkətlər gətirir. Bu baxımdan ölkəyə gətirilən benzinin də öz xərcləri var. Burada da bu yanacağın ölkəyə gətirilməsinin maya dəyəri nəzərə alınmalıdır”.

ŞƏRH YAZ
Ad

E-mail

Şərh