Sərnişinlər əlavə gediş haqqı ödəmək məcburiyyətində qalıblar - VİDEO
Oxucu məktubları 22 Yanvar 2018 01:16 360 dəfə oxunub
Sərnişinlər əlavə gediş haqqı ödəmək məcburiyyətində qalıblar - VİDEO
İki dayancaq məsafə getdikdə də 30 qəpik ödəməli olurlar

"Baku Bus" MMC"yə məxsus 175 saylı marşrut avtobusundan istifadə edən sərnişinlər həm yaxın, həm də uzaq məsafəyə getmək üçün 30 qəpik ödəmək məcburiyətində qalırlar. Avtosfer.az-ın məlumatına görə, bir neçə gün əvvəl Səməd Vurğun parkından Sabunçu rayonu Hövsan qəsəbəsinin mərkəzinə hərəkət edən bu marşrut avtobusunda qiymətlər 20 qəpikdən 30 qəpiyə artırılmışdı. Avtobusda kart sistemi olduğuna görə sərnişinlər 30 qəpiyi birbaşa karta vurub, marşrut xəttindən istifadə edirlər. Sərnişinlərin sözlərinə görə, belə olduqda 2 dayancaq məsafə getdikdə də 30 qəpik ödəməli olurlar.

Sərnişinlər bildirir ki, 75 saylı marşrut xətti ''Baku Bus"a verilməmişdən öncə ödəniş haqqı məsafədən asılı olaraq ödənilirdi.

Məsələ ilə bağlı Bakı Nəqliyyat Agentliyindən bildirildi ki, sakinlərin narazılığı araşdırılacaq.

Qeyd edək ki, Tarif Şurasının qərarına görə, şəhərətrafı və qəsəbələrarası gediş haqqı 1 km-dən 15 km-dək 20, 15 km-dən 25 km-dək 25, 25 km-dən 30 km-dək 30 qəpikdir.

VIDEO
ŞƏRH YAZ
Ad
E-mail
Şərh
Faiq | 22 Yanvar 2018 20:56
Sərnişinlər əlavə gediş haqqı ödəmək məcburiyyətində qalıblar məqaləsində səhv məlumat gedib. Hövsan qəsəbəsi Sabunçu yox, Suraxanı rayonunun inzibati ərazisinə daxildir.