2018-ci ilin ilk ralli yarışının qalibi müəyyənləşib - FOTO

Yarışma 29 Yanvar 2018 16:46 Oxunub 1831

WhatsApp kanalımıza abunə ola bilərsiniz

Ralli üzrə dünya çempionatının növbəti mərhələsi fevralın 15-dən 18-dək İsveçdə təşkil olunacaq

Cari ilin ralli mövsümünə Monte-Karloda start verilib. Avtosfer.az Azərbaycan Avtomobil Federasiyasına istinadən xəbər verir ki, dünya çempionatının ilk mərhələsində finiş xəttinə hamıdan tez “M-Sport” komandasının üzvü Sebastyen Ojye çatıb. Həlledici final çıxışında fransalı pilot 4 saat 18 dəqiqə 55,5 saniyə nəticə göstərib. Bu nəticə ilə o, ikinci və üçüncü yerlərin sahibi Ott Tyanakı 58.3 saniyə, Yari-Matti Latvalanı isə 1 dəqiqə 52 saniyə geridə qoyub. Bu, S.Ojyenin Monte-Karloda ardıcıl beşinci qələbəsidir və doğma trassda birinci olmaqla fransalı pilot ümumi nəticədə də liderliyi ələ keçirib. Qeyd edək ki, ralli üzrə dünya çempionatının növbəti mərhələsi fevralın 15-dən 18-dək İsveçdə təşkil olunacaq.

Monte-Karlo Rallisi – Final çıxışının nəticələri

1. Sebastyen Ojye	Ford Fiesta WRC	4s. 18d. 55.5san.
2. Ott Tyanak	Toyota Yaris WRC	4s. 19d. 53.8 san.
3. Yari-Matti Latvala	Toyota Yaris WRC	4s. 20d. 47.5 san.
4. Kris Mik	Citroën C3 WRC	4s. 23d. 38.6 san.
5. Tyerri Nevill	Hyundai i20 Coupe WRC	4s. 23d. 49.3 san.
6. Elfin Evans	Ford Fiesta WRC	4s. 23d. 50.3 san.
7. Esapekka Lappi	Toyota Yaris WRC	4s. 23d. 53.0 san.
8. Brian Bouffier	Ford Fiesta WRC	4s. 26d. 35.0 san.
9. Kreyq Brin	Citroën C3 WRC	4s. 28d. 02.2 san.
10. Yan Kopeski	Škoda Fabia R5	4s. 35d. 38.5 san.