Prezidentliyə namizədlər hansı maşınlarda gəzirlər - FOTO
Rusiyada seçkiqabağı kampaniyanın ən qızğın dövrünüdr. Namizədlərin çoxu sıx qrafikə görə xidməti avtomobillərindən istifadə edirlər, ancaq çoxlarının şəxsi qarajları da boş deyil. AvtoVzqlyad onların hansı maşına üstünlük verdiklərini araşdırıb.
Kseniya Sobçak
Kseniya Anatolyevna mavi rəngli lyuks Bentley Continental GT Speed istifadə edir.
Vladimir Jirinovskiy
Moskva tıçxaclarında parlaq gələcək planlaşdırmaq üçün Jirinovski deklarasiya edilməmiş MayBach-ı sürür. Bəzi məlumatlara görə, Liberal Demokratların rəhbərinin eksklüziv hazırlanan maşını 35 milyon rubldur (təqribən bir milyon manatdan artıq).
Vladimir Putin
Rusiya prezidenti ölkəsində istehsal olunan avtomobillərə və SKİF qoşqusuna sahibdir. Onların arasında «Volqa»nın 3 növü – 1960 və 1965 il istehsalı olan QAZ 21 M və xalq arasında «Niva» kimi tanınan LADA 4x4ü, həmçinin 1972-ci il buraxılışlı «Zaparojets»i var. İş vaxtı isə cari prezident Mercedes-Benz S600 Pullman Guard-la hərəkət etməyi xoşlayır.
Pavel Qrudinin
Kommunist Partiyasından namizəd olan Pavel Qrudinin şəxsi avtomobili yoxdur. Ancaq xanımı 2016-cı il buraxılışı olan 4-cü nəsil Lexus — RX 350 krossoveri və hibrid güc qurğulu Lexus RX 450H istfadə edir.
Boris Titov
İnkişaf Partiyasından namizədin qarajında 5 maşın üçün yer ayrılıb. Ailə başçısının 3 ədəd 2010-cu il buraxılışlı Land Rover Range Rover avtomobili, 7 yerli miniven Nissan Quest və 1996-cı il buraxılışlı Jeep Wrangler-i var. Xanımının adına isə 2012 və 2014-cü il buraxılışı olan 2 ədəd eyni Land Rover Discovery 4 yolsuzluq maşını var.
Qriqoriy Yavlinskiy, Maksim Suraykin, Serqey Baburin
Bu namizədlər isə miniksizdirlər. Onların şəxsi avtomobilləri yoxdur, xidməti nəqliyyatı barədə heç nə məlum deyil.
(faktxeber.com)