Qəbələ sakini təyyarə hazırladı - VİDEO
Avtosfer TV 5 Mart 2018 22:13 393 dəfə oxunub
Qəbələ sakini təyyarə hazırladı - VİDEO
Usta "Cesna-182 Skylane", "Tricopter" və "Nobler" kimi modellərlə sərgilərə də qatılıb

Həqiqi təyyarə kimi sürət yığır, sonradan havaya qalxır. Avtosfer.az-ın məlumatına görə, Qəbələ sakini Ayaz Məmmədov artıq 10 ildir ki, aviamodelçiliklə məşğuldur və o, əsl təyyarələrə bənzəyən kiçik prototiplər hazırlayır. Ayaz Məmmədov hər bir detala xüsusi həssaslıqla yanaşır. 15-dən artıq təyyarə hazırlayan usta "Cesna-182 Skylane", "Tricopter" və "Nobler" kimi modellərlə sərgilərə də qatılıb.

Həmin təyyarə modelləri yanacaqla işləyir. Model əvvəlcə layihə formasında kağız üzərində çəkilir. Sonradan həmin layihəyə uyğun hər bir detal dəqiqliklə hazırlanıb yığılır.

Usta deyir ki, modeli hazırlamaq üçün istifadə etdiyi materialları tapmaq ona elə də asan başa gəlmir. Çünki əsas material sayılan balzanın ölkədə satışı yoxdur.

Gənc və istedadlı modelçi təyyarə maketlərini hazırlamaq texnikasını şagirdlərinə də öyrədir. Bu, onların hafizələrini gücləndirmələrinə və asudə vaxtlarını daha səmərəli keçirmələrinə xidmət edir.

Ayaz Məmmədov deyir ki, onlara şərait yaradılarsa, modelləri daha da təkmilləşdirmək olar.

VIDEO
ŞƏRH YAZ
Ad
E-mail
Şərh