Bakıda yanacaqdoldurma məntəqəsinə basqın edənlər yaxalandı – FOTO

Gündəm 17 Aprel 2018 16:25 Oxunub 934
Bakıda yanacaqdoldurma məntəqəsinə basqın edənlər yaxalandı – FOTO
WhatsApp kanalımıza abunə ola bilərsiniz
Evə baxış zamanı oyuncaq tapançalar və maskalar aşkar edilərək götürülüb

Daxili işlər orqanlarının əməkdaşlarının həyata keçirdikləri növbəti uğurlu əməliyyat nəticəsində Bakıda yanacaqdoldurma məntəqəsinə basqın edən şəxslər tutulub. Belə ki, aprelin 16-da gecə saat 03.00 radələrində paytaxtın Xətai rayonu ərazisində yerləşən yanacaqdoldurma məntəqələrindən birinə gələn iki nəfər maskalı şəxs orada operator işləyən 3 nəfəri tapançaya oxşar əşya ilə hədələyib onlardan ümumilikdə 867 manat pul alaraq hadisə yerini tərk ediblər. Məlumat daxil olan kimi dərhal Bakı şəhər Baş Polis İdarəsi və Xətai Rayon Polis İdarəsi əməkdaşlarından ibarət əməliyyat qrupu yaradılıb. İsti izlərlə həyata keçirilən birgə əməliyyat-axtarış tədbirləri nəticəsində hadisəni törətməkdə şübhəli bilinən Bakı şəhər sakinləri - Həsən Mansurov və əvvəllər məhkum olunmuş Bəxtiyar Camalov saxlanılıblar. H.Mansurovun yaşadığı evə baxış zamanı oradan hadisə vaxtı istifadə etdikləri oyuncaq tapançalar və maskalar aşkar edilərək götürülüb.

Faktla bağlı Cinayət Məcəlləsinin müvafiq maddəsi ilə cinayət işi başlanılıb, zəruri istintaq hərəkətləri və əməliyyat tədbirləri davam etdirilir.

 

Elmin

FOTO QALEREYA
ŞƏRH YAZ
Ad

E-mail

Şərh