Azərbaycan daha 1600 yeni vaqon alacaq

Gündəm 23 Aprel 2018 23:24 Oxunub 966
Azərbaycan daha 1600 yeni vaqon alacaq
WhatsApp kanalımıza abunə ola bilərsiniz
Əlavə olaraq 50 yeni lokomotivin alınması planlaşdırılır

Azərbaycan daha 1600 yeni vaqon almağı planlaşdırır. Avtosfer.az “Trend”ə istinadən xəbər verir ki, bu barədə "Azərbaycan Dəmir Yolları" QSC-nin Tarif siyasəti və marketinq üzrə şöbə rəisi Əli Qasımov deyib.

Şöbə rəisi qeyd edib ki, hazırda Azərbaycan beynəlxalq nəqliyyat dəhlizlərinin inkişafında fəal iştirak edir.

Ə.Qasımov deyib: "Şərq-Qərb" dəhlizinin bir hissəsi olan Bakı-Böyük Kəsik dəmir yolunun 503 kilometri təmir olunub. 23 stansiyada yeni avadanlıq quraşdırılıb, 3100 yeni vaqon alınıb, əlavə olaraq 50 yeni lokomotiv və 1600 vaqon alınması da planlaşdırılır".

Şöbə rəisinin sözlərinə görə, dəmir yolu parkının yenilənməsi, infrastrukturun modernləşməsi və rekonstruksiyası yükdaşımalarda sürəti, təhlükəsizliyi və daha qısa vaxt ərzində yüklərin çatdırılmasını təmin edəcək.

Ə.Qasımov əlavə edib: "Bu, həmçinin beynəlxalq nəqliyyat dəhlizləri ilə yükdaşımalarını asanlaşdıracaq və daha artıq yükdaşımaları cəlb etməyə imkan verəcək".

Avtosfer.az

ŞƏRH YAZ
Ad

E-mail

Şərh