ABŞ-a məxsus görünməyən qırıcı Yaponiyada qəza enişi edib

ABŞ-a məxsus F-35 görünməyən qırıcısı özünümüdafiə qüvvələrinin Yaponiyanın qərbində yerləşən Fukuoka prefekturasındakı bazasına qəza enişi edib. Avtosfer.az azərtac-a istinadən xəbər verir ki, qırıcı “Tsuiki” aviabazasına aprelin 24-də yerli vaxtla saat 11-də enib. Yaponiya Müdafiə Nazirliyinin bildirdiyinə görə, uçuş zamanı qırıcının füzelyajında problemlər yarandığı güman edilir. Enmə zamanı xəsarət alanlar və ya dəyən zərər barədə məlumat verilmir. Nazirlikdən, həmçinin qeyd ediblər ki, bu, Yaponiyada həmin təyyarənin ilk qəza enişidir. Hazırda ABŞ-ın hərbi rəhbərliyinin hadisə ilə bağlı araşdırma apardığı bildirilir.