NASA Marsa helikopter göndərəcək

ABŞ-ın Aeronavtika və Kosmik Məkanın Tədqiqi Milli İdarəsi (NASA) 2020-ci ildə Marsa helikopter göndərəcəyini bəyan edib. Trend-in BBC News-a istinadən verdiyi məlumata əsasən, helikopter Marsda həyatın mövcudluğunun mümkünlüyünü araşdıracaq. Helikopter Qırmızı planeta 2020-ci ildə yola salınacaq və 2021-ci ildə ona çatacaq. O, digər planetdə istifadə olunacaq havadan ağır ilk apparat olacaq. Aparat üzərində dörd il işlər aparılıb, onun çəkisi 1,8 kiloqramdır.