Ölən şəxsin adına cərimə protokolları göndərilir - VİDEO
Oxucu məktubları 10 Iyun 2018 00:25 779 dəfə oxunub
Ölən şəxsin adına cərimə protokolları göndərilir - VİDEO
Qəribə hadisə Hacıqabul rayonu Qarasu kəndində baş verib

Dünyasını dəyişsə də adına radara düşmüş avtomobillərin cərimə protokolları gəlir. Avtosfer.az xəbər verir ki, qəribə hadisə Hacıqabul rayonu Qarasu kəndində baş verib. Kənd sakini Şamil Azadovun atasu Əmrah Azadov 2015-ci ildə dünyasını dəyişməsinə baxmayaraq, tez-tez ünvanlarına cərimə protkolları göndərilir. Onun sözlərinə görə, protokolda göstərilən avtomobillər əvvəllər onun atasının adına olsa da, maşınlardan biri 2002-ci ildə, digəri isə 2007-ci ildə satılıb.

Şamil Azadov bidirir ki, atasının ölüm kağızı da var və bu sənədi 2015-ci ildə dövlət orqanlarına təhvil verib. İndi o, bu cərimələrin ona və ailəsinə problem yaradacağından ehtiyat edir.

Baş Dövlət Yol Polis İdarəsinin sözçüsü Rüfət Quliyev isə bildirib ki, sözügedən avtomobillər hələ də dünyasını dəyişmiş şəxs Əmrah Azadovun adınadır və onun verdiyi etibarnamələrin vaxtı bitdiyindən cərimə protokolları da Əmrah Azadovun adına göndərilir. Bunun olmaması üçün həmin şəxsin qohumu, ölüm kağızını Baş Dövlət Yol Polis İdarəsinə göndərməlidir ki, onun adı mərkəzi bazadan çıxarılsın.

VIDEO
ŞƏRH YAZ
Ad
E-mail
Şərh
© Avtosfer.az 2014 - 2017
Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.