Avtomobil baryerlərə çırpıldı: Motoru metrələrcə irəli düşüb - FOTO

Türkiyənin Başakşəhər əyalətində mağistral yolda sürücünün idarəetməsindən çıxan avtomobil baryerlərə çırpılıb. Avtosfer.az DHA-ya istinadən xəbər verir ki, çırpılmanın şiddətindən avtomobilin motoru metrələrcə irəli düşüb. Qəza hadisəsi nəticəsində 2 nəfər yaralanıb. Ətrafdakıların çağrışı ilə əraziyə təcili tibbi yardım, polis və yanğınsöndürmə əməkdaşları gəliblər. Yaralı sərnişin təcili tibbi yardım maşını ilə, sürücü isə başqa bir maşınla xəstəxanaya aparılıblar. Avtomobilin ciddi zədələndiyi qəzada, maşının içindən içki şüşələri aşkarlanıb. Polis əməkdaşları qəza ilə bağlı araşdırma aparır.

Namiq