Avtomobil 79 yaşlı kişini vuraraq ağır xəsarət yetirib - Gəncədə

Gəncədə yaşlı kişini avtomobil vurub. Avtosfer.az-ın "Report"a istinadən verdiyi məlumata görə, hadisə şəhərin Nizami Gəncəvi prospektində baş verib. Şəhər sakini Orxan Cəlilov idarə etdiyi "VAZ-2107" markalı avtomobillə hərəkətdə olarkən 1939-cu il təvəllüdlü Rəşid Əli oğlu Həsənovu vurub. Sürücü ağır xəsarət alan yaşlı kişini özəl xəstəxanaların birinə aparıb. Onun vəziyyətinin ağır olduğu bildirilir. Hadisəni törədən O.Cəlilov saxlanılıb. Faktla bağlı araşdırma aparılır.