İdarəetməni itirən gəmi İstanbul boğazında təhlükə yaradıb

Qara dənizdən Mərmərəyə doğru hərəkət edən yük gəmisində yaranmış nasazlıq İstanbul boğazında təhlükəli anlar yaşadıb. Avtosfer.az Azərtac-a istinadən xəbər verir ki, Malta dövlət bayrağı altında üzən gəmi qəflətən idarəetməni itirib. Külək sürətlə gəmini İstanbul boğazının Çengelköy sahilinə doğru aparıb. Gəmi son anda suya lövbərin atılması ilə dayandırılıb.