DYP-dən reyd: Bakıda sərxoş halda maşın sürən iki xanım sürücü tutuldu – FOTO + VİDEO
Avtoreyd 4 Sentyabr 2018 12:24 2488 dəfə oxunub
DYP-dən reyd: Bakıda sərxoş halda maşın sürən iki xanım sürücü tutuldu – FOTO + VİDEO
30-dan çox sürücüyə inzibati protokol tərtib olunub, 15 sürücüyə isə xəbərdarlıq edilib

Bakı Şəhər Dövlət Yol Polisi İdarəsinin əməkdaşları tərəfindən yol hərəkəti təhlükəsizliyini daha da səmərəli təşkil etmək və gecə saatlarında kobud qayda pozuntuları törədən sürücülərin aşkar edilməsi istiqamətində görülən tədbirlər davam etdirilir. Avtosfer.az xəbər verir ki, sonuncu belə reyd zamanı avtonəqliyyat vasitələrini sərxoş vəziyyətdə idarə edən 13 sürücü aşkarlanıb. Qeyd edək ki, həmin sürücülərdən ikisi xanım olub. Aşkar edilən sürücülər alkoqol müayinəsindən keçirilmələri üçün tibbi məntəqəsinə aparılıb. Müəyyən edilən sərxoş sürücülərdən biri yol polisinin saxla əmrinə tabe olmayaraq hərəkətini davam etdirməyə çalışıb. Həmin şəxs Nobel prospektində yüksək sürətlə hərəkət edərək nəqliyyat vasitəsini dayandırmaqdan imtina etsə də, YPX əməkdaşlarının sayıqlığı nəticəsində "Nargilə" kafesinin yaxınlığında süni sıxlıq yaradılaraq saxlanılıb. Bundan başqa reyd zamanı nəqliyyat vasitəsini müvafiq sənədləri, sürücülük hüququ olmadan idarə edən, təhlükəsizlik kəmərindən istifadə etməyən, avtomobildə konstruksiya dəyişikliyi edən sürücülər də aşkarlanıb. Onlar barəsində müvafiq tədbirlər görülüb. Reyd zamanı həmçinin avtoxuliqanlıq edən sürücülərə də rast gəlinib. Həmin sürücülər yol polisinin topladığı sənədlər əsasında məhkəməyə təqdim olunub və barələrində inzibati qərar çıxarılıb. Reyd zamanı ümumilikdə 30-dan çox sürücü barəsində inzibati qaydada protokol tərtib olunub, 15 sürücüyə isə xəbərdarlıq edilib. Bakı Şəhər Baş Polis İdarəsi Dövlət Yol Polis İdarəsi əməkdaşları tərəfindən bu tipli maarifləndirici tədbirlər bundan sonra da davam etdiriləcək.

Namiq

https://scontent.fgyd8-1.fna.fbcdn.net/v/t1.0-9/40929158_2110316619185640_6473284080426287104_n.jpg?_nc_cat=0&oh=23bf9e83e580bba3d909493c23a32756&oe=5C2A03DA

https://scontent.fgyd8-1.fna.fbcdn.net/v/t1.0-9/40684474_2110316612518974_2239672625632641024_n.jpg?_nc_cat=0&oh=a5689a1a716e87235f7a9684ce3971af&oe=5C263702

https://scontent.fgyd8-1.fna.fbcdn.net/v/t1.0-9/40694681_2110316609185641_5807055552403996672_n.jpg?_nc_cat=0&oh=c61833e48afaa7f025649bf298002d7d&oe=5BF82BA2

https://scontent.fgyd8-1.fna.fbcdn.net/v/t1.0-9/40667488_2110316675852301_2891889789219373056_n.jpg?_nc_cat=0&oh=ea827a42806e46707d89006c77107a99&oe=5C2C064F

https://scontent.fgyd8-1.fna.fbcdn.net/v/t1.0-9/40650612_2110316689185633_7682073956978786304_n.jpg?_nc_cat=0&oh=eff2b6a00a29fa077acbe1cf2739da22&oe=5BEF4851

https://scontent.fgyd8-1.fna.fbcdn.net/v/t1.0-9/40685217_2110316732518962_3408295942263144448_n.jpg?_nc_cat=0&oh=4d148283387426a4daa143a89864550a&oe=5BFB7620

https://scontent.fgyd8-1.fna.fbcdn.net/v/t1.0-9/40655318_2110316745852294_3470392566543810560_n.jpg?_nc_cat=0&oh=ef2124a338c1a0d5ad165aed50862583&oe=5C3628DF

VIDEO
QALEREYA
ŞƏRH YAZ
Ad
E-mail
Şərh